Il püf da Ftan

(anr/sp) Werner Fischer es daspö l’on passà possessur d’ün püf. L’ün o l’oter ha forsa fingià inscuntrà üna jada al duo insolit chi’d es per maindache in visita in classas da scoula. Bubo nun es l’unic püf in Grischun, ma l’unic chi abita pro seis patrun a Ftan. La femnina es dvantada ün’ambaschadura per seis cumpogns chi sun fermamaing periclitats in Svizra. Cun visitas in scoula e collavuraziun pro progets scientifics promouva Bubo il savair davart il püf grond e sensibilisescha las prosmas generaziuns pellas problematicas da l’ambiaint e la natüra. Per survgnir il permiss da pudair tgnair üna be-s-cha protetta e sulvadia ha Fischer stuvü investir diversas uras da lavur: «Il püf es mia gronda paschiun, e la lavur ha valü la paina per accumplir ün da meis sömmis.»

pagina 8