Art ed artisanadi

(anr/gv) Giuven e vegl, jester ed indigen, ha anflau la sonda la via a Degen. Buc igl open air ha carmalau ella pintga fracziun dalla vischnaunca Lumnezia, mobein ils 41 stans dil Marcau Daniev. Sin bunamein tut ils stans han ils visitaders – entuorn melli persunas – gudiu art ed artisanadi. Als stans dils purs indigens ha ei dau carn e caschiel, ovs e tuargias e quei ein beinsavens dapli che sempels products – mobein artisanadi e mintgaton schizun art per bucca ed egl. Per bucca e magun ha ei era dau dapertut enzatgei da schigiar e quei ei vegniu nezegiau pruamein. La fin d’jamna han fieras giu liug a Glion, Breil ed a Degen ed a tuttas fieras – ni marcaus – ha ei giu gronda truscha. La fieras ein ina buna caschun per ina davosa scuntrada egl onn vegl e quella caschun vegn bugen prida. Ils pli biars visetan il marcau per la scuntrada e tuornan a casa cun in ni l’auter regal ni cun in toc caschiel ni ina ligiongia secca.

pagina 5