Musicas giuvenilas 
as preparan per Burgdorf

(anr/afi) D’utuon ha lö a Burgdorf la prosma Festa da musica federala per giuvenils. Per quist punct culminant s’han unidas la Musica da giuventüna Engiadina Bassa, la Musica giuvenila Valsot e la Musica da giuvenils la Plaiv-Zernez. D’incuort s’han inscuntradas a Scuol las passa 60 musicantas e musicants per la prüma prouva da musica cumünaivla. Cun prouvas da registers ed üna cun tuot l’orchester s’haja dat a tuot las partecipantas e partecipants la pussibiltà d’imprender a cugnuoscher ils tocs per Burgdorf. L’idea per quist proget han gnü ils duos dirigents e la dirigenta da las societats pertoccas. Ed uschè s’haja decis da far our da trais societats üna musica chi’s preschainta cun registers egualisats e cun ün bun nivel musical.

pagina 9