Bler da far a 
Scuol e Sta. Maria

(anr/fa) La blera naiv, ma eir ils dis da Nadal chi d’eiran crodats bain han attrat blera glieud in Engiadina Bassa e Val Müstair. Quai han badà eir ils meidis dals ospidals a Scuol e Sta. Maria. In tuots duos ospidals han ils blers cas pudü gnir trattats da maniera ambulanta. Sco cha’l meidi Joachim Koppenberg, directur da l’ospidal regiunal a Scuol, declera han las feridas «as spostadas ün pa i’ls ultims ons vers insü»: Intant cha plü bod as rompaivan ils skiunzs e snowboardists plütöst las chommas o las chanvellas han ils meidis a Scuol trattà ingon extraordinarmaing bleras feridas vi da las spadlas e la part sura da la bratscha. Quai ha tenor el da chefar cul trend da vögliair ir adüna plü svelt culs skis.

pagina 7