Cun la medema pissiun

(anr/gv) Dapi 30 onns organisescha Menzli Sport la pli gronda cuorsa da skis per affons en Surselva. La contavla cuorsa quella dalla dumengia ei stada sa negin. Gian Marco e Mattias Menzli organiseschan la cuorsa culla medema pissiun sco lur bab Marcus. La cuorsa vegn appreziada muort las meisas emplenidas cun premis. Uonn ein rodund 250 affons e giuvenils separticipai. Ferton che la massa neiv haveva sfurzau da dir giu la cuorsa igl onn vargau han ils organisaturs e participonts profitau uonn d’excellentas cundiziuns. A Cuolm Sura ha Toni Cadonau dil Club da skis Mundaun semtgau pils participonts in percuors da cross cun segls e stortas spectacularas. La cuorsa dalla dumengia ha Gino Stucki dil Club da skis Mundaun gudignau sco favorit. Ina surpresa hai dau ella categoria dallas buobas. Lara Bianchi, ina buoba da diesch onns, ha schau nudar il meglier temps ella categoria dallas buobas.

pagina 8