Livio Bieler e Seraina Boner

(anr/gv) Cun Livio Bieler sa il Surselva Maraton nudar in niev num ella gliesta dils victurs. Il currider da 25 onns da Panaduz ha absolviu in’excellenta cuorsa da trenament e teniu ses concurrents sin distanza. Gia cuort suenter la partenza hai dau negins dubis da sia finamira. Suenter tschun kilometers ha Bieler allura distanziau siu davos concurrent. Seraina Boner da Claustra ha gudignau suenter il 2009 e 2010 la tiarza cuorsa a Sedrun. Ella ha schau sias concurrentas tschun minutas e dapli davos ella. La victura ei turnada el final ensemen cun Sascha Deplazes da Sedrun e Janic Camathias da Sagogn. Da cundiziuns ordvart emperneivlas ein 200 curridras e curriders separticipai al maraton da giubileum. Dus indigens da 17 onns han procurau ier als aspectaturs per grond plascher. Cla Ursin Nufer e Fadri Luis Schmid han absolviu la cuorsa per la pli gronda part ensemen cun Curdin Perl da Puntraschigna e Kevin Marc Camathias da Sagogn. Perl ei daventaus quart, Nufer tschunavel.

pagina 5