Tgil blut ella neiv

(anr/sr) Il rapper romontsch Giganto, alias Ivo Orlik, ha seschau inspirar dil «mal d’amur» per scriver ina roscha canzuns davart la carezia, anflar in l’auter ni piarder la carezada e bia auter per siu niev album «Sault d’amur» che cumpara venderdis, igl 1. da fevrer 2019. Ina canzun ch’astgass polarisar e provocar pulitamein ei «tgil blut». Tier quella canzun ch’ei naschida suenter ina legra fiasta ha Orlik fatg in film ed en quel setila el propi ora tgil blut. Era sch’el ei lu buca sco ella canzun en stiva, mobein sin via denter Panaduz e Versomi e quei ella neiv e da tutta ferdaglia.

pagina 5