Lufs en Sutselva

(anr/bt) La sala polivalenta d’Andeer è stada fullanada a chaschun d’ina sairada d’infurmaziun e discussiun. La raschun: Il luf ch’è cumparì er en la regiun dal Bavregn. Il fazit: Tuts che spetgan che la confederaziun elavuria ina soluziun praticabla per lufs problematics.

Adrian Arquint da l’uffizi da chatscha e pestga ha manà la sairada da maniera zunt cumpetenta. El ha infurmà avertamain davart la derasaziun dal luf en il Grischun ed ha mussà cleramain ils cunfins da la cumpetenza da l’UCP, menziunond che quel spetgia da la revisiun da la lescha da chatscha federala ina soluziun d’intervegnir pli svelt sche lufs daventian problematics. Jan Boner, incumbensà dal Plantahof, ha mussà las pussaivladads ed ils cunfins da masiras da proteger las muntaneras. Sebastian Nagelmüller dal Parc Natiral Bavregn ha preschentà la gruppa da coordinaziun regiunala che cusseglia en dumondas pertutgant il luf e schlia conflicts en cas da basegns. La discussiun, per part animada, n’ha betg purtà propi novs aspects, ma l’è stada fitg nizzaivla per tuttas varts.

pagina 13