Fimentar vegn 
puspei en moda

(anr/sr) «Fimentau vegn ei probablamein gia dapi ch’il fiug ei vegnius scuvretgs», quei di la naturopata Katrin Mirocha da Sedrun. Ella e la naturopata Marlene Münger dattan quest meins in cuors da fimentar cun jarvas, raschas e lennets a Trun ella Casa Depuoz. Quel ha liug ils 16 da fevrer 2019 dallas 10.00–12.00, tochen ils 12 da fevrer san interessai aunc s’annunziar. Sco Mirocha di survegn il fimentar puspei niev slontsch. Pli baul steva il fimentar savens en stretg connex culla cardientscha e cun rituals e vegneva per exempel applicaus per scatschar nauschs spérts e malsognas. Il fimentar accumpignava oraziuns, surveva sco schurmetg, per purificaziun, guariziun, meditaziun e perfin magia. Fimentar ei ina veglia tradiziun, oz denton pir che mai ina metoda per anflar temps da reflexiun el mintgadi. Adina dapli carstgauns scuvieran la vegliandra tradiziun dil fimentar.

pagina 6