Bavegna agl campiun 
ed alla campiunessa

(anr/gns) A Lantsch, all’Arena da biatlonò li dumang allas 18.00 en bavagnaint pigl team svizzer da biatlon tgi è sto agls Campiunadis mundials da juniors e giuvenils ad Osrblie. Retschet vign cunzont Niklas Hartweg, igl sportist da Lai tgi è nia campiun mundial digls giuvenils ainten la cursa singula da 12,5 km. Sa tgapescha tgi er igls oters biatlets tgi on tots musso bunas prestaziuns an Slovachia èn dalla parteida a Lantsch tar l’occurrenza publica. Preschainta è er Amy Baserga, da Nossadunnang, la biatleta tgi trenescha savens a Lantsch. Dad Osrblie è la matta turnada gist cun dus medaglias. Ainten la cursa da persecuziun ò Baserga gudagnea la medaglia dad òr ainten la categoria U18 e davantada campiunessa mundiala. Ainten la cursa da sprint è la biatleta neida sagonda, chegl tgi è bagn er ena buna prestaziun. Igls fretgs dall’Arena da biatlon a Lantsch sa mossan adegna daple e chegl gist tar igls resultats digls juniors e dallas junioras da Swiss Ski.