Nova stizun a Trun

(anr/sr) Sper la Ferrera a Trun, gest leu nua ch’il Toni coiffeur tagliava ina ga cavels a sia clientella, arva ussa la stizun nova «Aurora Bijou» sias portas. Pascale Berther e siu partenari Marc Piacentini selegran sin l’avertura ch’ha liug venderdis, ils 8 da fevrer dallas 14.00–18.30. Cun quella stizun ha Berther saviu realisar in siemi. La dunna dalla Hollanda viva dapi 25 onns en Svizra e quei bugen. Sco ella di hagien ei en Hollanda empau in auter stil da decorar e mobiliar e quei flair portan la dunna cun melli ideas e siu partenari uss el Grischun, ni pli exact a Trun alla via principala. Leu nua ch’ei deva pli baul quasi en mintga casa ina stizun dattan els nova veta all’anteriura stizun da victualias dalla basatta da Piacentini. Naven da mobilias tochen scadiolas e fittems dat ei massa rauba da cumprar e far in regal a sesez ni als cars.

pagina 5