Pendicularas GR: 
Prims dis da schaner 
èn stads dis da record

(rtr) Il schaner da quest onn han 3,5% dapli giasts visità territoris da skis da las pendicularas grischunas ch’il schaner 2018. Cumpareglià cun la media da diesch onns han las pendicularas grischunas però gì quest schaner 4% pli paucs giasts. Sco i ha num en la communicaziun èn las pendicularas grischunas cuntentas cun il svilup dal dumber da giasts. La buna situaziun da naiv e da las pistas sco era la buna luna dals consuments hajan procurà per quest svilup positiv.