Dal sön d’inviern fin a damain actività

DAD ANNATINA FILLI / ANR

In situaziuns da pac pavel e da temperaturas fraidas müda la sulvaschina seis cumportimaint e quai i’l modus da spargnar energia. Ella es adüsada da’s nudrir da pavel cun paca energia sco tschisp vegl o pavel chi chattan i’l god. In da quists temps po avair mincha disturbi o mincha fügia tras la naiv üna consequenza mortala. Per surviver l’inviern han sviluppà las be-s-chas differentas strategias: Chi fa ün sön d’inviern, chi svoula in regiuns plü chodas e chi redüa sias activitats. Uschè as nudrischa il castor impustüt da scorza e da buttuns. Il squilat es d’inviern unicamaing quel mumaint activ cur chi va per chattar seis zops cullas nuschs. Per cha las bes-chas hajan ün lö per as retrar han ils cumüns defini zonas da quietezza. L’Uffizi chantunal da chatscha e pes-cha racumonda a la populaziun ed impustüt eir a las sportistas e’ls sportists da resguardar strictamaing quistas 
zonas.

pagina 9