Acziun per schaniar 
la sulvaschina

(anr/fa) D’inviern esa important cha la sulvaschina nu gnia disturbada. Quai es pussibel scha skiunzs e gianellists resguardan tschertas reglas. Schi’d es invierns cun uschè blera naiv sco ingon pon disturbis da la sulvaschina avair consequenzas mortalas pellas bes-chas. Per infuormar a la glieud chi fa gitas culs skis o cun gianellas han lantschà ils respunsabels dal parc natüral Biosfera Val Müstair, commembers da la Società da chatschaders Turettas e’l guardgiasulvaschina Jon Gross da Tschierv ün’acziun speciala. In dumengia han infuormà ils iniziants da quist’acziun a bundant 150 persunas in gir cun skis da gita o cun gianellas davart ils bsögns da la sulvaschina dürant l’inviern.

pagina 7