SST mini per la tiarza e quarta

(anr/ac) La fin dall’jamna vargada han skiunzas e skiunzs dallas annadas sut nov ed endisch onns absolviu duas cuorsas el rom dil Menzli Sport SST mini cup 2019. Ei setracta dad in slalom minikipp ed ina cuorsa cumbinada. Skiunzas e skiunzs dalla Surselva ein pli u meins stai denter els la dumengia vargada a caschun dallas duas cuorsas organisadas dalla cuminonza da cuorsa da Laax sin il Crap Sogn Gion.

Ell’emprema cuorsa, in slalom en festa flexibla cuorta, han las curridras da Sursaissa e Laax dominau claramein ella categoria sut nov onns. Auter ei la situaziun sepresentada ella rangaziun dils buobs ella medema categoria e cuorsa. Ils treis emprems plazs han ils curriders dils clubs Lumnezia e Vuorz occupau avon Flem e Sursaissa.

La rangaziun en quella categoria ei en omisduas cuorsas identica. Alla testa anflan ins Léan Bundi e Curdin Cathomas. Il medem maletg sepresenta era tier las mattatschas dalla categoria U11.

Ton Lara Bianchi sco emprema e Smilla Rüfenach sco secunda han dominau la concurrenza en omisduas cuorsas. En las ulteriuras categorias e cuorsas ha ei bein dau mintgamai entgina midada al tgamun dalla rangaziun.

Las fermas curridras ed ils ferms curriders ein denton d’anflar cuntinuadamein davontier ella rangaziun ton dil slalom sco ella cuorsa cumbinada.

Rangaziun emprema cuorsa (slalom)

1. Finn Kretz, Sursaissa: 37.90. 2. Leandro Schmid, Val: 39.73. 3. Luca Westbrook, Crap da Flem: 40.19. 4. Nico Innauen, Crap da Flem: 40.43. 5. Jannis Lutz, Mustér: 40.67.

Rangaziun secunda cuorsa (cumbinada)