Candeilas da glatsch

Liungas candeilas da glatsch per liung dallas canals dil tetg – in maletg ch’era da veser stedi avon onns pils vitgs entuorn duront igl unviern. La raschun persuenter ei la neiv che liua sil tetg e cuora silsuenter sco aua en direcziun canal. Ella canal eis ei lu puspei pli freid e l’aua schela entochen che quella ei pleina. Silsuenter entscheivan las candeilas da glatsch lu plaunsiu a crescher naven dalla canal engiuviars. Cunquei che las casas ein isoladas ozildi bia meglier po dameins calira mitschar encunter las alas-tetg e luentar la neiv, aschia ch’ei dat era pli paucas e surtut era pli pintgas candeilas da glatsch.

Ervin Monn