Memia spert tranter 
Tusaun e Casti

(anr/vi) L’entschatta favrer ha il Tribunal federal anc decidì in segund cas grischun pertutgant greva violaziun da reglas da traffic. La stad 2016 aveva in automobilist surpassà la sveltezza maximala dad 80 km/h per 31 km/h tranter Tusaun e Casti. L’automobilist ha survegnì da la Dretgira regiunala Alvra in chasti pecuniar cundiziunà da 20 schurnadas à 150 francs ed ina multa da 600 francs. L’automobilist ha recurrì e pretendì tant avant la Dretgira chantunala sco er a Losanna ch’ins fetschia ina expertisa pertutgant la distanza tranter il radar e la posiziun da l’auto. Igl existia dubis relevants pertutgant l’exactadad da la mesiraziun da spertezza. Plinavant ha il recurrent vulì far ina uatga cun ils derschaders da Losanna. Il Tribunal federal è dentant sa referì sin il rapport da polizia e sin las constataziuns da las preinstanzas ed ha refusà il recurs.

Sentenzia 6B_836/2018 dals 18 da schaner, publitgada ils 5 da favrer

pagina 2