Ün record pel cumplion

DA FLURIN ANDRY / ANR

Güst pel 20avel giubileum da la cuorsa da duonnas dal Maraton engiadinais s’han annunzchadas tantas duonnas sco amo mai. Da l’on 1998, cur cha’l Maraton engiadinais vaiva festagià seis 30avel cumplion, vaivan ils organisatuors registrà ün record da partecipants. L’on davo ha surtut Emil Tall il presidi dal comitè d’organisaziun da quista cuorsa. El ha analisà las cifras dals partecipants e vis chi d’eiran be var desch pertschient duonnas chi faivan il maraton, «eir schi s’inscuntraiva sün loipa circa tantas duonnas sco homens». El s’ha indreschi pro diversas passlunghistas perche chi nu fetschan eir ellas il Maraton engiadinais. Ün motiv cha bleras han nomnà d’eira la temma da tuot la fuolla sün loipa. Uschea ha’l gnü l’idea da fundar la Cuorsa da duonnas engiadinaisa chi maina da Samedan a S-chanf. Sco chi disch Menduri Kasper, il manader da gestiun dal Maraton engiadinais, s’han ingon annunzchadas passa 1250 partecipantas, «ün record».

pagina 9