Grond success per 
Cla-Ursin Nufer a Sarajevo

(anr/hh) Dacuort ha igl «European Youth Olympic Festival» giu liug en Bosnia e Herzegowina. La Svizra ei stada representada cun ina delegaziun da 58 giuvnas e giuvens ella vegliadetgna denter 14 e 18 onns. Denter quels era Cla-Ursin Nufer da Sedrun ch’ei sequalificaus per las concurrenzas da cuorsa liunga. Ch’el s’auda buca mo tiels megliers da sia vegliadetgna – la categoria sut 18 onns – en Svizra, mobein era internaziunalmein, ha el mussau a quellas concurrenzas. Ella cuorsa dil stil liber sur 7,5 kilometers eis el daventaus excellent tierz ed era cun la staffetta mischedada svizra ha el contonschiu il tierz rang.

Pagina 3