Tschunmelli documents

(anr/abc) Mesjamna ha igl Archiv da stadi dil Grischun envidau alla vernissascha dil tom 8 dil Cudisch da documents grischun (CDG). Igl ei in project grond ch’ha cuzzau 82 onns. La finiziun dil «Cudisch da documents grischun CDG» seigi in veritabel cletg, ha Hans-Jürg Gilomen commentau il project. Il historiograf e professer emeritau dall’Universitad da Turitg ei staus presents alla vernissascha digl otgavel e davos cudisch. Quel cuntegn 782 documents ch’ils scienziai han transcret. Il CDG ei da principi buc in cudisch popular. Malgrad quei astgass el interessar tut ils amaturs d’historia e cultura grischuna. Grazia alla lavur dils historiografs ei il camp aviarts per ulteriuras perscrutaziuns. Cun transcriver varga 5000 pergameinas originalas ni copias, screttas mintgamai en lungatg latin ni tudestg medieval, han divers specialists possibilitau igl access alla historia grischuna.

Pagina 3