Lavurant da guaud 
sa blessà en Val Medel

(rtr) En la Val Medel è in lavurant da guaud vegnì sut in bist d’ina planta. Tar l’accident è l’um vegnì blessà mezgrev. L’accident saja succedì il venderdi avantmezdi a Platta en la regiun Uaul Sissi, scriva la polizia chantunala. In collega da lavur haja tgirà il lavurant da 34 onns fin che la Rega ed in medi sajan arrivads. Cun in turn da suga han ils gidanters 
lura salvà l’um or dal territori mal 
accessibel e transportà el en l’Ospital chantunal.

La polizia chantunala sclerescha l’andament exact da l’accident.