Cavriel versus tscharva

Ils davos dis ha in video tut special fatg la currella ed ei era vegnius publicaus ellas medias socialas da pliras gasettas pli grondas. Ei setracta d’in animal che mava ruasseivlamein per liung dallas rodaias dalla Viafier retica e schava gnanc disturbar dil tren che suandava el sin paucs meters distanza. Il discuors ei staus fetg ditg d’in «cavriel». Els numerus commentaris leusuenter sesenteva gia ina massa persunas sco expertas en caussa selvaschina, secuntener dil locomotivist eav., denton ch’ei era ina tscharva e buc in cavriel, gliez era gnanc curdau si ad els. La fotografia muossa duas vaccas tscharva cun vadi. Per ch’ins vesi la differenza denter tscharva e cavriel hai jeu gest fatg ina fotomontascha ed aunc mess enamiez in cavriel. Ervin Monn