Andy Kollegger tar fundaziun Benevol

El remplazza en il gremi dad otg persunas Carlo Portner ch’è sa retratg per motivs da sanadad, communitgescha la fundaziun per la lavur voluntara. Kollegger è interprendider e s’engascha per la cultura, tranter auter sco president da l’Uniun chantunala da musica.Sco interprendider è el activ en la branscha d’energia regenerabla. El lavura er sco cussegliader ed organisescha adina puspè eveniments pli gronds. A sia sesida ha il cussegl da fundaziun er reelegì il president Günther Engler per in’ulteriura perioda d’uffizi.

Ils abitants che van davent, scolas serradas e bajetgs vits – savens vegn discurrì da la depopulaziun. In sguard pli exact sin la statistica mussa dentant: En general crescha la populaziun grischuna – da cumbatter cunter la depopulaziun ha surtut la Surselva. Dapi l’onn 1980 è la populaziun creschida per 36 635 persunas – pia in plus da 22,72%. Quai tenor las cifras da l’Uffizi per economia e turissem dal Grischun e da l’Uffizi federal per statistica. Sin nivel chantunal sa mussa pia surtut il purtret da creschientscha.

Malgrà che surtut vitgs pli pitschens perdan abitantas ed abitants vegn quai cumpensà cun la creschientscha gronda en autras vischnancas. Uschia registrescha per exempel la Surselva cun las pli bleras vischnancas che perdan abitants onn per onn tuttina ina creschientscha grazia als gronds plus da Laax ed Ilanz/Glion.

Plazzas da vitg digitalas daventan pli e pli popularas en il Grischun. Suenter Zernez e Surses ha uss er Haldenstein decidì d’introducir la plazza da vitg digitala per uschia activar e far pli attractiva la convivenza. La plazza da vitg digitala è ina plattafurma sociala.