Arrivada a Sedrun

(anr/ac) Il Tour de Suisse 2020 arriva a Sedrun ils 12 da zercladur per cuntinuar il gi sissu cun ina cuorsa singula encunter l’ura da Mustér ad Andermatt. Silsuenter suonda l’etappa principala dad Andermatt anora sur ils treis pass Furka, Grimsel e Susten. Las organisaziuns turisticas da Sedrun/Mustér sco dalla Val d’Ursera selegran da retscheiver grazia alla preschientscha dil Tour de Suisse ina plattafuorma per render attent all’attractiva purschida per las diversas spartas dil sport sin duas rodas che tonscha sur ils cunfins dils cantuns Uri e Grischun. La regiun turistica ei dil meini da posseder l’infrastructura necessaria per cuntentar ciclists da lunsch e da maneivel.

pagina 3