Festival da la chanzun rumantscha

(anr/ff) La fin d’jamna vegnenta ei il vitg da Trun la tribuna per igl emprem Festival da la chanzun rumantscha. Naven dil venderdis sera tochen la dumengia suentermiezdi vegn cantau, sunau ed el center stat la canzun romontscha. Clau Scherrer empeila l’organisaziun ed empermetta muments musicals per tuts Romontschs, per pign e grond. Aschia sepresentan cantauturas e cantauturs, chors d’affons ch’envidan il publicum da cantar, chors mischedai e chors virils el decuors dils treis dis. El concert da galla collaborescha la Brass Band Berner Oberland culs chors Incantanti e Cantus Firmus. La dumengia ei aunc d’udir cant solistic ord la classica romontscha e per terminar ils dis festivs vegn aunc tratg bilanza filosofica entuorn la cultura, la veta e l’olma romon-tscha.

pagina 5