Radunanza dals proprietaris 
da seguondas abitaziuns

(anr/bcs) D’incuort ha gnü lö la radunanza generala da la IG ZWET SCUOL i’l Bogn Engiadina a Scuol. La cumünanza d’interess dombra actualmaing 140 commembers ed exista daspö duos ons. Il böt es d’intensivar il dialog cun las pendicularas, cul BES, cun otras instituziuns e cul cumün per chattar soluziuns chi sun d’avantag per tuots. Sco cha Heinz Zürcher, il president da la IG, ha manzunà esa tenor el important chi nu’s pensa be vi da saj svess, ma chi s’improuva da s’identifichar eir culla cuntrada, cullas relaziuns, culla populaziun indigena ed impustüt cul cumün da Scuol. Ils preschaints sun eir gnüts infuormats davart la valur da lur immobiglias ed eir co cha quellas pudessan gnir surdattas ad iertavels.

pagina 9