Ju-Air na dastga betg pli vender sgols

(rtr) La societad aviatica Ju-Air perda la lubientscha da far sgols commerzials. L’Uffizi federal per l’aviatica civila Bazl vegn a retrair a la societad la lubientscha per sgols commerzials cun passagiers. Per commembers da lur uniun ed en il rom privat dastga la Ju-Air però far vinavant sgols sch’ella resguarda premissas tecnicas e prescripziuns dal manaschi. L’avust passà era in aviun JU-52 da la Ju-Air crudà giu al Piz Segnes sur Flem. 20 persunas èn mortas.