Adina dapli annunzias pervia da cugliunaria

La polizia chantunala grischuna ha l’ultim temp adina survegnì dapli annunzias pervia da cugliunaria tar investiziuns sin plattafurmas d’internet. In pertutgà haja uschia pers quasi 100 000 francs. Quai communitgescha la polizia. Ils donnegiads hajan sezs tschertgà pussaivladads d’investir u sajan vegnids fatgs attents dals delinquents via mail u medias socialas ad investiziuns da daners alternativas. Ils delinquents che sa dattan ora sco cussegliaders d’investment sa preschentian professiunalmain per intimar ils investiders da transferir daners.

Quella vegn sanada per 3,2 milliuns francs. Quai ha decis la radunanza communala. Tranter auter èsi previs da construir in nov tetg cun in implant fotovoltaic. Quel duai furnir energia per 15 fin 20 chasadas. Per schliar il problem da plaz planisescha la vischnanca sco proxim la construcziun d’ina nova scoletta dubla per 2,5 fin trais milliuns francs.

In scumond general da cuvrir la fatscha na vegn betg en dumonda per il cussegl federal, el refusa l’iniziativa per scumandar la burca. La Svizra duai dentant survegnir reglas pli severas. Davart l’iniziativa «Gea al scumond da cuvrir la fatscha» e la proposta indirecta po il parlament uss decider. Il cussegl federal ha deliberà il venderdi ses messadi. L’iniziativa dal pievel vul ch’en l’entira Svizra na dastga nagin cuvrir sia fatscha en il spazi public. Excepziuns fissan sulettamain raschuns da segirezza, da la sanadad, dal clima e da resguardar ils usits. Il cussegl federal refusa ina tala schliaziun pauschala. Ils chantuns procurian tradiziunalmain per reglar il sa depurtar en il spazi public, scriva il Departament federal da giustia e polizia (EJPD).