Prelecziun teatrala a Sent

(anr/bcs) Ils respunsabels da la Grotta da cultura a Sent han preschantà d’incuort üna prelecziun teatrala cun Sarah Magdalena Huisman i’l piertan da la Grotta. Ella ha prelet e giovà tenor il cudesch «Das grüne Seidentuch» da Marcella Maier. Ün istorgia commoventa chi quinta da la vita da quatter duonnas chi han passantà temps greivs ed in povertà. D’üna vita chi’d es gnüda influenzada da guerras, da temps ingio cha blers han stuvü emigrar causa la gronda s-charsdà da lavur illas valladas muntagnardas da la Bergiaglia e da l’Engiadina. Huisman ha chattà üna buna via tanter prelecziun e scenas teatralas per declerar la situaziun difficila da quella jada.

pagina 9