«L’histoire du soldat»

(cp) Il schuldà turna a chasa per in congedi. A la riva d’in aual sa ferma el e prenda ora sia gìa. Entant ch’el suna cumpara il diavel en la parita d’in um vegl ed al supplitgescha d’al surlaschar sia gìa. Il schuldà baratta la gìa per in cudesch da striegn. Il diavel persvada il schuldà da l’accumpagnar durant trais dis e d’al mussar a sunar la gìa. Alura cuntinuescha il schuldà ses viadi. Arrivà en sia vischnanca natala auda el cun spavent ch’el n’è betg vegnì retegnì dal diavel durant trais dis, mabain durant trais onns…

L’inscenaziun

Ensemen cun il scriptur Charles Ferdinand Ramuz (1878–1947) e cun il dirigent Ernest Ansermet (1883–1969) ha gì il cumponist russ Igor Stravinsky (1882–1971) durant ses exil en Svizra l’idea da sviluppar in teater musical da pitschna occupaziun. Sco tribuna ambulanta dueva la truppa traversar «a bun gartetg» il pajais per preschentar «L’istorgia dal schuldà».

Mettler, Korndörfer, Weber ed Achterberg gughegian ussa da far in’ulteriura reducziun. Achterberg ch’ha la rolla dal raquintader sto surpigliar er la rolla dal schuldà u dal diavel. Mo cun la magia da sia vusch dat el vita a las istorgias ed als scenaris.

Gievgia, ils 28 da mars 2019 a las 18.00

Biblioteca chantunala dal Grischun, Cuira

Entrada gratuita. Senza annunzia.