Cuolm da Vi – pendiculara nova da Sedrun è finida

L’october 2012 ha la planisaziun entschet. Il mars 2018 ha la populaziun da Tujetsch e l’avrigl 2018 ha l’Uffizi federal da traffic lubì il project. Las lavurs vi da la pendiculara nova han cumenzà il matg. Ed uss va ella l’emprima giada ils 6 e 7 d’avrigl. Els sajan sa decidids da bajegiar ina pendiculara cun duas cabinas grondas e betg per exempel ina sutgera. Quai haja trais motivs, di il manader da project e directur da las pendicularas da Mustér, Rudolf Büchi: Transportar pli lev material per la gastronomia sin il Cuolm da Vi, per ex. aua da baiver ensi e l’aua persa engiu, organisar effizientamain il manaschi da stad e realisar ina sortida a Cungieri. A Cungieri datti gia in’ustaria ed in restaurant è planisà sin il Cuolm da Vi. La stad vegn in provisori construì, ed in onn pli tard pon ins probabel cumenzar a bajegiar il nov restaurant. Ultra da quai vegn il runal nov sin il Cuolm da Vi prendì en funcziun l’enviern che vegn. La pendiculara che parta da Salins/Sedrun fin si en il territori da skis da Mustér custa tranter 15 e 16 milliuns francs.