Regina Ullmann – in purtret

(cp) As laschai giavinar durant la pausa da mezdi: Martina Kuoni preschenta in cudesch, ina persunalitad u in eveniment dal mund da la litteratura dal Grischun u da la Svizra orientala – en moda captivanta, divertenta ed infurmativa. Classichers ed auturs emblidads, truvaglias e scenas spezialas, scripturas rebellas ed artists expressivs sensibels – il Grischun litterar è ritg e traglischant. I dat bler da scuvrir.

L’emprima part da la retscha da quest onn sa fatschenta cun Regina Ullmann (1884–1961). «Jau viv dal far la cusunza, dal rimnar pumaraida e bulieus e dal scriver.» Quai constatescha Ullmann sin ina notizia betg publitgada. Rainer Maria Rilke ha stimà la poetessa songagliaisa sco Georg Büchner e Matthias Claudius. Autras persunas qualifitgadas vesan ella sco ina sora ideologica da Robert Walser. Tgi era quest’autura ch’ha procurà sco dunna giuvna per sensaziun en la bohème da Minca, ch’aveva dus uffants illegitims, ch’ha stuì bandunar la Germania l’onn 1933 pervia da sia derivanza gidieua, ch’è vegnida sustegnida per vita duranta da fauturs e ch’ha vivì durant ses ultims dus decennis en in ospizi catolic a Son Gagl?

Martina Kuoni, naschida e creschida si a Cuira, è germanista ed intermediatura da litteratura. En bleras citads svizras porscha ella spassegiadas litteraras, moderescha prelecziuns d’auturas e d’auturs, salva referats e maina circuls da lectura.

www.literaturspur.chEntrada gratuita. Senza annunzia.

Mardi, ils 26 da mars 2019 da las 12.15 fin a las 13.00, Biblioteca chantunala dal Grischun,

Cuira.