Scuol e’l 
potenzial da svilup

(anr/afi) Studentas e students dal departamaint d’architectura dal Politecnicum Turich s’occupan actualmaing cul svilup dal cumün da Scuol e da l’Engiadina. A chaschun da quist proget s’haja organisà divers simposis cun referats e discussiuns. Il prüm da quists simposis ha gnü lö in mardi saira i’l Bogn Engiadina a Scuol. L’introducziun i’l tema da la saira ha fat Men Duri Arquint, l’architect da Cuoira ed Ardez. El ha dat ün sguard sülla vallada da l’Engiadina, «chi’d es üna vallada structurada cleramaing e definida geograficamaing». Ils perits chi s’han partecipats a la discussiun al podium s’han occupats tanter oter cul potenzial da svilup dal cumün da Scuol e sias fracziuns. Ün oter tema d’eira il mantegnimaint da stabilimaints existents.

pagina 7