Adina pli pauc 
chaschiel d’alp grischun

Adina dapli purs grischuns midan da la producziun da latg e tegnan vatgas-mamma. Quai ha er consequenzas per las alps. Tranter il 2008 ed il 2018 èn vegnidas midadas enturn en il Grischun 30 da las anteriuras 176 alps da vatgas en alps per vatgas- mamma u sterlamenta. Per Valentin Luzi da l’Uffizi d’agricultura dal Grischun n’èn quai betg bunas novitads. Uschia na dettia numnadamain er damain latg sin las alps e sco consequenza pli pauc chaschiel d’alp. L’onn passà ha il Grischun cun 5700 tonnas producì 400 tonnas chaschiel pli pauc ch’anc avant diesch onns. Positiv vi da quest svilup saja dentant che las alps da latg restantas sajan occupadas meglier.