Era igl avegnir veta e qualitad da viver

(anr/hh) En collaboraziun cun la Scol’aulta per scienzias applicadas Turitg (ZHAW) organiseschan l’uniun da giuventetgna e la vischnaunca da Medel sonda, ils 6 d’avrel 2019 in luvratori cul tema «giuventetgna muenta la Val Medel». El center stat la damonda: Tgei fatschenta la generaziun giuvna ella val, e co sa la val vegnir formada aschia ch’ella ei attractiva era igl avegnir? Alla sentupada ella sala dalla scoletta a Curaglia duei vegnir discussiunau ideas e brattau experientschas. Quellas duein lu vegnir concretisadas. Giuvenils che han ulteriurs temas san era inoltrar quels a scret ensemen cun l’annunzia da participaziun a Lucas Venzin (lucasvenzin@gmail.com), il president dall’Uniun da giuventetgna Medel. Il luvratori cuoza dallas 13.30–17.30, silsuenter vegn offeriu in apero.