Laax: 10 milliuns 
per scola e scolina

La populaziun da Laax crescha ad in crescher. Perquai ston ils stabiliments da scola vegnir engrondids. Previs èsi da bajegiar trais bajetgs, gest sper la scola Grava existenta, sin il tetg dal nov parcadi sutterran. En quels bajetgs vegnan la scolina e quatter stanzas da scola integradas. Plinavant è il lavuratori da laina e metal sco era la scolaziun da lavurs a maun e textil en ils novs bajetgs. Il svilup demografic a Laax mussa ch’i fa da basegn d’engrondir la scola: L’onn 2000 dumbrava Laax 1374 abitants, il 2018 gia 2110 ed il 2013 dumbrava la scola 130 scolars e scolarets, ensemen cun ils consorzis da scola Falera, Schluein e Sa-gogn dumbra la scola da Laax 295 scolars e scolaras. Il plan da termins prevesa ch’il suveran sto dir gea ils 13 d’avrigl, il cumenzament da construcziun è previs la stad 2020. L’avust 2021 savessan las novas localitads vegnir inauguradas.