La «Casa Carigiet» sco museum per l’artist Aluis Carigiet

La chasa ch’è brischada avant set emnas, survegn ussa en in nov focus. Ils possessurs da la «Casa Carigiet» èn averts per tut las pussaivladads che sa dattan uss cun questa ruina. Tenor la segirada da bajetgs datti davent da l’emprima auzada engiu ed ils tschalers substanza che n’è betg donnegiada dal tut. Quai è dentant nagin confiert per ils possessurs. «Nus n’avain nagut encunter sche insatgi vegn ed ha interess da far insatge, lura essan nus averts.» Brida Carigiet, pledadra possessurs. L’idea da far ord questa chasa in museum per Aluis Carigiet vegn d’engrà als possessurs. I dat dentant gia in project da far quai museum per Aluis Carigiet en la Chasa Desax, in’autra chasa istorica da Trun. Quest project e gia avanzà. Ils iniziants dal project chasa Desax èn dentant pronts d’examinar la nova situaziun cun la chasa Carigiet. «Jau preferiss la ‘Casa Carigiet’ per in tal museum, la schanza è unica da pudair construir da funs ensi in tal object.» Dumeni Tomaschett, president da vischnanca Trun