Chattà um mort en 
cella da praschun

(rtr) En il Sennhof a Cuira è in praschunier vegnì chattà mort en sia cella da praschun. In collavuratur da la praschun dal Sennhof ha chattà l’um da 60 onns mort mesemna saira en sia cella. Il persunal haja immediat cumenzà a reanimar l’um. Il team d’ambulanza da la citad Cuira ha manà enavant las mesiras. Tuttina è l’um mort. L’um è stà en praschun pervi d’in delict da mazzament ed incendiament dal november 2018 a Sent. Ensemen cun la procura publica examinescha la polizia chantunala la raschun per la mort da l’um.