Clau «Rachmaninov»

DA GION NUTEGN STGIER / ANR

En veir deletg cantic, tgi vo bagn a pêr cugl taimp avant Pasca dattigl igls proxims deis ainten la tor cotschna sensom igl Gelgia. Igl Chor Vocal Origen canta las vespras imposantas da Sergei Rachmaninov. Mesemda seira ò igl Chor Vocal Origen gia la prova generala per igls concerts dallas vespras da Rachmaninov, tgi totgan tar egna dallas pi ancunaschaintas ovras digl cumponist russ. Cant sacral ortodox tgi è ia sot la pel, cant choral plagn calour, 15 melodias per ludar igl Signer, la seira e la dumang, on laschea daventar igl far notg sen Gelgia tar en veir plascheir pigl cor e per l’ureglia. L’ovra cumpeglia daveiras tot las tonalitads e d’interpretar chella scu chegl tgi igl cumponist ò mess an notas dovrigl cantadours e cantadouras cun abilitads canticas singularas, per ansomma interpretar chella ovra pretensiousa. Sotsi-gnia l’antiera producziun ò alloura Clau Scherrer, igl dirigent digl Chor Vocal Origen, cun dar agl chor la dretga unitad e siertad. La premiera fiss stada ier seira, dantant cun esser saro igl Gelgia ins ò gia da renunztgier a chella.

pagina 15