Profitar viceversa

(anr/ac) Marcus Weber e sia Catrina Experience s’engaschan el sport da mountainbike e profitar pon dus giuvens ciclists sursilvans. Ursin Spescha e Vital Albin ston buca sezuppar cun lur prestaziuns sportivas sco juniors ella scena da mountainbike. E quellas ein buca stadas tschelladas agl anteriur campiun da mountainbike Ralph Näf ch’ha integrau ils dus sportists sursilvans en sia nova equipa. In’equipa sponsurada dil tgamun dallas pendicularas da Mustér e dil Resort Catrina Marcus Weber. Il vendergis vargau han ils novs partenaris presentau lur finamiras sportivas ed economicas ell’ustria da Lai Alv sin 2500 meters sur mar. Albin e Spescha ein incantai dallas pusseivladads che seporschan davart dalla nov’equipa e possedan claras finamiras sportivas per la sesiun ch’ha gest entschiet. Claras finamiras davart dalla collaboraziun cun Näf posseda medemamein Weber.

pagina 5