René Buchli (45), emploiau d’administraziun, Laax

Tgei munta il romontsch per Vus?

Il romontsch ei miu lungatg mumma e miu lungatg dil cor. Jeu tschontschel bugen romontsch e contel era bugen canzuns romontschas. Lu sesentel jeu da casa e da buna cumpignia.

Co promovis Vus il romontsch?

Cun tschintschar romontsch, cun cantar canzuns romontschas en in chor e cun leger La Quotidiana ed era cudischs romontschs. Ei secapescha da sesez ch’jeu tschontschel romontsch cun tuttas persunas che san romontsch, seigi quel ni quella dalla Surselva ni dall’Engiadina.

Tgei avegnir ha il romontsch?

Sche nus tuts duvrein il romontsch en nies mintgadi viva nies lungatg. Impurtont ei ch’ei vegn instruiu romontsch en scola ed a casa e che giuven e vegl fan diever da nies lungatg. Daco buc, inagada puspei, leger in cudisch romontsch? Per exempel Nies Tschespet 77.

www.100onns.ch