S’occupats dals rendaquints

(anr/fa) In sia radunanza cumünala ha il cumün da Val Müstair suottamiss al suveran differents rendaquints. Als preschaints sun gnüts preschantats il rendaquint cumünal 2018, il rendaquint da l’on passà dal Center da sandà Val Müstair, il rendaquint 2018 dal Provedimaint electric da la Val Müstair e sco ultim eir amo il rendaquint dal Parc da natüra Biosfera Val Müstair. Daspö l’on passà vain quel manà da l’indigen David Spinnler. La radunanza cumünala es gnüda infuormada davart ils differents progets cha’ls respunsabels da quist parc natüral han realisà l’on passà. Als preschaints es eir amo gnü suottamiss ün credit per refar differentas vias da god sül territori dal cumün da Val Müstair.

pagina 7