Cornelia Derungs
Bearth (47), menadra d’economia da casa, Glion

Tgei munta il romontsch per Vus?

Il romontsch ei miu lungatg mumma ed il lungatg ch’jeu plaidel aschi savens sco pusseivel mintga di. Jeu sundel carschida si en ina famiglia romontscha a Vignogn.

Co promovis Vus il romontsch?

Jeu legel bia romontsch, surtut online sin la pagina dad RTR. Il sursilvan ei secapescha miu idiom preferiu. Pigl auter emprovel jeu da tschintschar romontsch cun tut quellas e quels ch’jeu saiel che san era romontsch. Gest a Glion vegnan ins magari aunc sill’idea da plidar tudestg e quei less jeu impedir.

Tgei avegnir ha il romontsch?

Tenor miu manegiar ha il romontsch segiramein in avegnir. Jeu quetel era ch’ei vegni fatg dapli pil romontsch che pli baul. Il romontsch ei in lungatg unic ch’arva era las portas per emprender auters lungatgs latins.

www.100onns.ch