Informatica e Löwenberg

(anr/abc) Ils 14 d’avrel 2019 eis ei stau sil gi 130 onns dapi ch’il casti da Schluein ei barschaus giu. L’enschatta fenadur 1889 han ins entschiet a reconstruir il casti Löwenberg ed il medem atun ei il casti niev staus semtgaus. Igl ei daventau in’enconuschenta casa. Duront decennis han las soras dominicanas da Glion menau quella scola privata. La historia dil casti da Löwenberg ei fetg animada e cuoza tochen oz. Uonn, 130 onns suenter la reconstrucziun, siara puspei in capetel. Il settember 2019 finescha il contract denter la Fundaziun s. Giusep Löwenberg ed igl Uffeci cantunal da migraziun. Ils rodund 100 requirents d’asil bandunan Schluein. Cunquei finescha in’epoca da rodund 200 onns ch’il casti ha surviu ad in’intenziun social-caritativa. La scola gronda da Schluein ei s’occupada questa primavera cun quei edifeci e sia historia. Pli tard han ils scolars saviu nezegiar lur savida, e quei ellas lecziuns da tut auter gener. Cul mied d’instrucziun «inform@21» el rom «medias/informatica» han els empriu da midar maletgs.

pagina 3