Exposiziun i’l Museum 
Chasa Jaura Val Müstair

(anr/fa) Il pêr artists Pascal Lampert e Vera Malamud chi abitan a Sta. Maria sun gnüts invidats dad expuoner da lur ouvras i’l Museum Chasa Jaura. Els svessa han invidà ad amis artists da’s partecipar a l’exposiziun. I’s tratta da lur amia Nicole Dunn chi abita a Valchava, da l’artista Theres Liechti da Winterthur e l’artist Thomas Sterna da Meran. Tant Liechti sco eir Sterna cugnuoschan la Val Müstair causa chi han lavurà fingià i’l atelier da Lampert e Malamud a Sta. Maria. La vernissascha da quist’exposiziun chi düra fin als18 avuost es in sonda, ils 29 gün a las 17.00. Il manader artistic da la Chasa Jaura, Robert Grossmann, manzuna las prosmas occurrenzas chi han lö in quist center cultural.

pagina 13