Ella ruta naziunala

(anr/gv) Ils 1100 meters differenza d’altezia dil Pass da Tumegl a Val ein in magnet pils mountainbikers. Ils trutgs da vaccas integrai ella ruta naziunala «Alpin Bike 1» ein pretensius ed ils trutgs suandonts scrolan velo e tgierp, ein denton in’aventura unica. In’aventura ei era l’ascensiun en Val Stussavgia. La via tochen al pass sin 2412 meters sur mar han ils Polacs internai construiu duront la Secunda Uiara mundiala. Quei tschancun via duei vegnir reconstruius el decuors dils proxims onns. En pli u meins tuttas paginas d’internet da mountainbike ei il Pass da Tumegl numnaus e ludaus els pli aults tuns. «Outdooractive», ina dallas impurtontas paginas, numna il panorama «gigantic».

pagina 2