Sandro Tomaschett (29), scolast primar, Mustér

Tgei munta il romontsch per Vus?

Romontsch ei dapli che mo il lungatg dil mintgadi. El ei mi’identitad – mia patria, mia moda da patertgar e da viver.

Co promovis Vus il romontsch?

Nua che la situaziun lubescha discuorel e scrivel jeu consequentamein romontsch. Sco scolast hai jeu primo l’obligaziun e secundo la ferma veglia da tgirar e promover il romontsch enaquella ch’jeu dun vinavon quel tenor meglier saver e puder. Quei patratg accumpogna era mei en mes ulteriurs posts en differentas uniuns.

Tgei avegnir ha il romontsch?

Legreivlamein crescha la schientscha pil scharm da nies lungatg – quei slontsch vala ei da mantener. Mintga aunc aschi pign sforz da mintgin da nus pil beinesser e prosperar dil romontsch vala la peina. Lu viva il romontsch aunc ditg – da quei sun jeu perschuadius!

www.100onns.ch