Pietro Jacomet (22), student da historia e reporter tier Radio Rumantsch

Tgei munta il romontsch per Vus?

Il romontsch ei miu lungatg mumma ed il lungatg ch’jeu drovel el mintgadi, per la lavur, denton era dabia el temps liber. Aschia fuorma il romontsch ina centrala part da mia identitad ed jeu sesentel en emprema lingia sco Romontsch.

Co promovis Vus il romontsch?

Jeu sesprovel da promover il romontsch cun duvrar il lungatg aschi stedi sco pusseivel. Medemamein eisi per mei impurtont da tgirar in bi romontsch. Concret vul quei per exempel dir d’evitar germanissems e plaids engles.

Tgei avegnir ha il romontsch?

Aschi ditg sco ils Romontschs dattan adatg e cumbattan per il futur da lur lungatg, sco per exempel dacuort en connex cull’iniziativa da No-Billag, mirel jeu cun speronza ed optimissem el futur.

www.100onns.ch