60 objects da Rosa Egi-Maissen a Trun

(anr/hh) Entochen ils 8 da settember 2019 ein da veser 60 figuras, fatschas, scadialas e ruclas ord arschella el Museum sursilvan dalla Cuort Ligia Grischa a Trun. Las lavurs ein da Rosa Egi-Maissen ch’ei carschida si a Rabius, mo che viva dapi prest 50 onns en Tiaratudestga. Biars onns ha ella malegiau avon che vegnir confruntada cun las pusseivladads da lavur cun arschella: «Quei material ha fascinau mei, e dapi 15 onns sundel jeu praticamein mintga di el luvratori per scaffir differents objects.» El center da sias lavurs stattan fatschas e figuras, la gronda part da dunnas.

Pagina 5