Laax expandescha

Da Hans Huonder / anr

La vischnaunca da Laax intenda d’ereger in niev baghetg per agen diever sco era per intents commercials ed industrials. Il project duei vegnir realisaus a Pardanal. L’idea per quel ei naschida en connex cun ponderaziuns da realisar in scaldament a distanza, mo lu era sin fundament dalla necessitad da sligiar il problem da garascha pil bus local. Parallelmein han ins denton era constatau ch’il spazi pil svilup dil commerci e l’industria ei limitaus. «Quels facturs han menau nus alla conclusiun ch’ei fa senn da realisar in baghetg empau pli grond en in liug», di il president communal Franz Gschwend. Finanzialmein vegn quei edifeci ad esser interessants per la vischnaunca. Il cuosts pil baghetg niev el territori da Pardanal ein calculai cun 7,5 milliuns francs. El duei esser finius la primavera 2021.

Pagina 3